Meri Pahchaan

Aaj meri shaadi hai, par aap log soch rahe hoge ki main kaun hoon. Main Shareer (body) hoon. Aaiye aaj main aapko apne ango (body parts) se, apne aap se milvaata hoon.

PITA (Father), mujhe yaad nahi, par main sochta hoon ki jab main paida (born) hua hounga, tab mere pita ne bade sambhaal ke saath mujhe apni gaud me uthaaya hoga, ek haath mere sir(head) ke neeche aur ek meri peeth (back / opposite to stomach) pe aur fir mere maathe ko chumte huye sabse pahle uppar waale ka shukriya ada kiya hoga fir apne aap se yeh vaada kiya hoga ki mere bache main isi tarah tujhe apni aakhri saans tak pyaar karooonga, tujhe sambhaal ke bada karoonga, chalna sikhaunga, tera paalan poshan ache tareeke se karoonga. Hamaare ghar ki pratha (custom) hai ki bache ko sabse pahle shahad(honey) chataaya jaata hai. Kyon sirf shahad, shayad welcome sweet, hehe... shayad according to science or art, shahad healthy, hygienic, sweetest hota hai, aur humhaare daant (teeth) bhi toh nahi hote us samay. Khair jo bhi reason ho. PITAjee mere sir (head) hai, jinki wajah se main aaj sir (head) utha ke jeeta hoon. PITAjee mere pair (legs) bhi hai, jinhone mujhe sahi aur sache raasto pe chalna shikaaya aur hamesha yehi kaha ki chalte raho kabhi mat ruko. PITAjee meri peeth (back) hai jinke sahaare ke bina main kuch nahi kar sakta.

MAA (Mother), Kuch bhi kahoonga kam padega, shabdo me bata pana naamumkin (Impossible) hai. Aaj main hoon (Existence) toh MAA ki wajah se, main saans (breath) le raha hoon toh MAA ki wajah se, Jindagi me pahli baar jisse dekha(see) wohh MAA hai, Jis se pahli baar maine apna naam suna (Hear) tha, wohh MAA hai, Jise maine pahli baar chuha (touch) tha wohh MAA hai, Jisne apni chaathi se laga ke pahli baar doodh(My first tasty food, with the help of tongue, I can say tasty) pilaaya wohh MAA hai, Pahli baar mera pet (stomach) bharne waali MAA hai, Jiski khoshboo maine sabse pahle feel (nose) ki wohh MAA hai, main jab pahli baar bola (speak) tha wohh mera pahla shabd MAA hai, Meri MAA mera dil se nikli har dhadkan hai, mere senses hai, mera bhagwaan hai, mera Ram hai, Meri MAA meri MAATE RAM hai. Aur meri jindagi ka aakhri shabd bhi MAA hoga!!!.

BHAI-BAHAN (Brother-Sister), Agar BHAI-BAHAN bade ho toh hum unke pahle jeete-jaagte khilone (Live Toy) hote hai, aur agar who chote ho toh wohh hamaare Live Toy hote hai. Mera pahla aur duniya ka sabse accha dost, mera bada bhai, mera pahla partner(room), mera pahla competitor. Jisne apni cheeze mere saath share ki, mere pahli ladaayi jiske saath hui aur mujhe bahut maara bhi, mere chasme bhi tode. Jab school me hum koi badmaashi karte hai toh teacher sabse pahle humhaare haatho (hands) pe chadi se maarte hai, waise hi jab main life me, ghar me koi badmaashi karta tha toh mera bhai mere haath (hands) ban kar chadi khaata tha. Pahle mujhe sataata tha fir chum chum ke manaata tha, aapko bata du, ki wohh pyaar karne ke liye nahi chuumta tha, mujhe kala (black) karne ke liye chuumta tha. He he he... Isliye main kala hoon aur wohh gora, lolzz... Meri koi BAHAN nahi hai par main kah sakta hoon ki BAHAN bhi apne chote /bade BHAI-BAHAN ko itna hi pyaar, support karti hai, jitna ki ek BHAI. Main aaj kah sakta hoon ki mere 2 nahi 4 haath hai. Thanku Bhai, for all your support, love, caring, guidance.

BHABI-JIJU, Meri BHABHI ne meri BAHAN ki kami puri kar di. Meri dost ban ke mere sahi kaamo me appreciate kiya, aur galat kaamo ko khoob criticize bhi kiya. Meri Maa ban ke mujhe bahut kuch sikhaaya bhi, bhale hi main unse  umar (Age) me bada hoon. Hahaha... Meri bhabhi ban ke mujhse apne pair (foot) bhi chuaaye (touch). Aur theek se jhuk ke nahi karne pe naraaz hone ka naatak kiya aur dobaara theek se karne pe hi maani lolzzz.
Thanku BHABHI, meri BAHAN main tera hamesha khayaal rakhoonga, tujhe is pariwar me khoob saara sukh mile yehi koshish karoonga. But please take care of bhai, maa, papa and ofcourse yourself too.
Isi tarah mujhe pata hai ki JIJU, bhi BHAI ki kami puri karte hai, dost banke saath dete hai, pita ban ke sahaara dete hai, aur apni wife ki family ka poora khayaal rahte hai.

Ab main aap logo ko ek khaas ang (body part) se milvaata hoon, Meri PARCHAAI (wife), jisse in do sajjano ne, daanveero ne (Wife's Parents), aaj tak bade hi pyaar se, dil se laga ke, mere liye sambhaal rakha tha. Humhaare samaaj me kanyadaan (daughter's marriage), ko sabse bada daan maana jaata hai, isliye main in daanveero ko naman karta hoon. Yeh daanveer yeh jaante huye ki ek din ek shareer (body) aayega aur apni parchaayi ko le jaayega, fir bhi wohh parchaayi ko apne dil ke pass, apni aatma ke pass, itne naazo-pyaar se sambhaal ke rahte hai aur baad me akele rah jaate hai, Kya kahoon, yehi niyam (Rule) hai, kyon hai pata nahi.
Wohh PARCHAAYI bhi is vaade ke saath shareer se milti hai ki jitna pyaar, sanskaar, gun, gyan, sahajta, saralta, usse apne maata-pita (Daanveero) se mili hai wohh usse barkaraar rakhegi, aur apne jivan ka jo kartavya hai usse puri sachaayi ke saath nibhaayegi. PARCHAAYI is umeed ke saath shareer (body) se milti hai ki usse yahan itna pyaar mile jitna wohh bhi apne aap se nahi karti.

Mere jeevan me aap logo ka bi bada mahatv (importance) hai. Aap Log (samaaj/socity/friends/relatives/nears-n-dears), mere shareer ke wohh ang hai jo mere androoni hai, jinke bina is jeevan ko jeena bhi naamumkin hai, jinke bina naa toh main has sakta hoon naa ro sakta hoon, Meri har khushi ko dugna-chogna karte hai aap, mere har dukh ko baant ke kam karte hai aap. Jaise school me, college me, huye kisi exam me hum fail hote hai, toh hum jab tak mehnat karte rahte hai jab tak ki hum pass naa ho jaaye, usi tarah agar hum jeevan ke exam me kabhi fail hote hai toh humhe tab tak mehnat karte rahna chahiye jab tak ki pass naa ho jaaye.


Isliye main aap sab logo se gujaarish karta hoon ki APNO ke PASS aa jaao, sabko APNA banaao, aur is jeevan me pass ho jaao.